Nú er hægt að skrá menntun og starf einstaklinga. Þegar notandi er á síðu einstaklings, þá birtast valmöguleikar í vinstri valmyndinni sem kallast "Menntun" og "Starfsferill". Þar er hægt að skrá menntun og störf og sjá lista.
Helstu breytingar í dag voru þessar:
- Hægt að skrá menntun og starf einstaklinga
- Á síðu einstaklings birtast barnsforeldrar nú fyrir neðan maka. Nokkrir notendur höfðu óskað eftir þessu og við ákváðum því að setja þessar upplýsingar á síðuna.
- Þegar barn er skráð er núna hægt að velja hitt foreldrið úr lista. Í listanum birtast allir makar og barnsforeldrar föðurins eða móðurinnar. Að sjálfsögðu er líka hægt að sleppa því að skrá hitt foreldrið strax.
- Leitin og flýtileitin hafa verið í einhverju ólagi síðustu daga, en nú er búið að kippa því í liðinn.
- Útlitið á síðunni sem notendur fá þegar þeir samþykkja aðgangsboð að ættartali var lagfært.
- Notandi sem fengið hefur aðgangsboð, getur nú skipt um tungumál án þess að missa út þær upplýsingar sem þegar voru skráðar.
- Ef notendur eru með tvo vafra opna og með mismunandi ættartöl opin í hvorum glugganum, þá er ekki lengur hætta á að einstaklingur skráist inn í rangt ættartal.
Í næstu viku vonumst við til að geta opnað fyrir innlestur á Gedcom skrám þannig að notendur geti sjálfir lesið þær inn.